ब्याडमिण्टन कर्भड हल विदुर नगरपालिकालाई हस्तान्तरण

नुवाकोट । विदुर नगरपालिका वडा नम्बर २ नागटारीमा रहेको नुवाकोट ब्याडमिण्टन कर्भड हल विदुर नगरपालिकालाई हस्तान्तरण गरिएको छ ।

सामाजिक विकास कार्यालय गजुरी धादिङबाट निर्माण गरिएको नुवाकोट ब्याडमिण्टन कर्भड हल विदुर नगरपालिकाका मेयर राजन श्रेष्ठलाई शुक्रवार हस्तान्तरण गरिएको हो ।

सामाजिक विकास कार्यालय गजुरी धादिङका कार्यालय प्रमुख लोकबहादुर वाइवाले शुक्रवार विदुर नगरपालिकाको कार्यालय आएर मेयर श्रेष्ठलाई कर्भड हलको स्वामित्व,व्यवस्थापन र उपयोगको दायित्व हस्तान्तरण गरेका हुन् ।

कर्भड हलको दायित्व आफु्हरुमा आएको भन्दै नगरपालिकाका मेयर राजन श्रेष्ठले नगरपालिकाले चुस्तदुरुस्त व्यवस्थापनसहित कर्भड हल संचालनमा ल्याउने बताए ।

२०८० साल माघ २९ गते सामाजिक विकास कार्यालय गजुरी धादिङ र रत्न सन्तोषी जेभीबिच सम्झोता भई २०८१ पुष २४ गते निर्माण सम्पन्न भएको थियो ।

झण्डै दुई करोड ५० लाखमा निर्माण गरिएको सो कर्भड हलको औपचारिक उद्घाटन बाग्मति प्रदेश सरकारका मुख्यमन्त्रि बहादुरसिंह लामाले आईतवार गर्ने कार्यक्रम रहेको छ ।