खेलकुद महासंघ समाजवादीमा नुवाकोटका श्रेष्ठ र दिक्षित निर्वाचित

नुवाकोट । नेकपा (एकिकृत समाजवादी) निकट नेपाल खेलकुद महासंघ समाजवादीले नयाँ नेतृत्व चयन गरेको छ ।

सोमवार काठमाण्डौमा भएको नेपाल खेलकुद महासंघ समाजवादीको दोस्रो महाधिवेशनले नयाँ कार्य समिति चयन गरेको हो ।
समितिमा नुवाकोटका दुईजना निर्वाचित भएका छन् । उप–महासचिवमा उत्तम श्रेष्ठ निर्वाचित हुँदा केन्द्रिय सदस्यमा रामकाजी दिक्षित निर्वाचित भएका छन् ।

भेलाले अर्जुनभक्त राईको नेतृत्वमा १०३ सदस्यीय नयाँ कार्य समिति चयन गरेको हो । केन्द्रिय सदस्यमा निर्वाचित भएपछि दिक्षितले आगामी दिनमा जिल्लामा विभिन्न खेलकुद गतिविधि आयोजना गर्ने बताए । यसअघि पनि जिल्लामा फुटसल लगायत विविध खेलकोद कार्यक्रम गर्दै आएकै थिँए, अबको दिनमा अझै बढी सक्रिय रहन्छु दिक्षितले विदुर खबरसँग भने ।

भेलामा देशभरबाट झण्डै ३ सय १५ जनाभन्दा बढी प्रतिनिधिहरुको सहभागिता रहेको थियो ।