विदुरमा कक्षा ८ को आधारभूत तह उत्तीर्ण परीक्षा सुरु

नुवाकोट । नुवाकोटमा विदुर नगरपालिकाको आधारभूत तह उत्तीर्ण परीक्षा (कक्षा ८) आजबाट सुरू भएको छ ।

गतवर्ष देखि विदुर नगरपालिकाबाट सञ्चालन भएको आधारभूत तह (कक्षा ८) उत्तीर्ण परीक्षा आजबाट शुरु भएको विदुर नगरपालिकाले जानकारी दिएको छ ।

परीक्षामा एक हजार २ सय २३ जना परीक्षार्थी सहभागिता रहेको जनाइएको छ । परिक्षामा सामुदायिक र संस्थागत गरि ४६ विद्यालयबाट परिक्षार्थी सहभागि भएका छन् । परिक्षामा ११ ओटा परिक्षा केन्द्र तोकिएको छ ।

यसैगरी आजदेखि नै कक्षा ५ को वार्षिक परीक्षा पनि विदुर नगरपालिकाबाट सञ्चालन भएको छ । कक्षा ५ को वार्षिक परीक्षा यस वर्षदेखि मात्र नगरपालिकाले सञ्चालन गरेको हो ।

यसमा जम्मा ५९ वटा विद्यालयबाट एक हजार दुई सय ५२ जना परीक्षार्थीहरू परीक्षामा सहभागी रहेका छन् । विदुर नगरपालिकाका शिक्षा शाखाका शिक्षा अधिकृत नवराज सापकोटाका अनुसार चैत्र ११ गतेसम्म परीक्षा सञ्चालन हुनेछ ।

यसैविच विदुर नगरपालिका वडा नम्बर ५ देविघाटमा रहेको शहिद जगत प्रकाश जंग शाह सस्कृत माध्यामिक विद्यालयमा परिक्षाको अनुमगन गरिएको छ ।

वडासदस्य विनोद चित्रकारको नेतत्व गएको टोलीले परिक्षा अुनगमन गरेको हो । अनुगमनको क्रममा चित्रकारले परीक्षार्थीहरुका लागि विद्यालयमा शान्तीपूर्ण वातावरण भए नभएको, शौचालय र खानेपानीको अवस्थाका बारेमा शिक्षक तथा विद्यार्थीहरुसंग जानकारी लिएका थिए ।

यस्तै विद्यालयमा शान्त वातावरणमा कक्षा ५ लगायत सबै कक्षाको परिक्षा सचालन भइरहेको प्रध्यानाअध्यापक मञ्जु चित्रकारले जानकारी दिइन् ।

परिक्षा दिउँसो साढे १२ देखि साढे दुई बजेसम्म संचालन हुने छ ।