चोरीका ल्यापटपसहित नुवाकोटका एक जना पक्राउ

नुवाकोट । चोरीका ल्यापटप र मोवाइलसहित नुवाकोटका एक जना पक्राउ परेका छन् ।

पक्राउ पर्नेमा बेलकोटगढी नगरपालिका वडा नम्बर ८ का अनिल नेपाल रहेका छन् । काठमाडौं उपत्यका अपराध अनुसन्धान कार्यालयबाट खटिएको टोलीले उनलाई पक्राउ गरेको हो ।

उनको साथबाट चोरीका ल्यापटप ६ थान र मोबाइल ५ थान बरामद गरिएको प्रहरीको भनाइ छ।

घटनाको विषयमा थप अनुसन्धानका लागि जिल्ला प्रहरी परिसर काठमाडौं पठाइएको छ ।