जालपा क्षेत्र विकास समितिको अध्यक्षमा भरतकाजी

नुवाकोट । विदुर नगरपालिका वडा नम्बर ५ देविघाटमा रहेको जालपा क्षेत्र विकास समितिको अध्यक्षमा भरतकाजी चित्रकार निर्वाचित भएका छन् ।

शनिवार भएको जालपा क्षेत्र विकास समितिको १० औ साधारणसभा तथा अधिवेसनले भरतकाजी चित्रकारको नेतृत्वमा २० सदस्यीय कार्यसमिति निर्वाचित गरेको निर्वाचन अधिकृत विनोद चित्रकारले जानकारी दिए ।

समितिको वरिष्ठ उपाध्यक्षमा शुशिला चित्रकार चयन भएका छन् भने उपाध्यक्षमा नविन चित्रकार चयन भएका छन् । यस्तै सचिवमा मदनलाल चित्रकार, सह–सचिवमा शिवप्रसाद प्याकुरेल चयन भएका छन् ।

यस्तै कोषाध्यक्षमा रामलाल चित्रकार र सहकोषाध्यक्षमा बद्रीलाल चित्रकार चयन भएका छन् ।

२०४४ सालमा स्थापना भएको जालपा क्षेत्र विकास समितिको अध्यक्षमा मानवहादुर डगोल झण्डै ३७ वर्ष कार्यररत रहे ।

कार्यक्रममा विदुर नगरपालिका मेयर राजन श्रेष्ठ र विदुर नगरपालिका वडा नम्बर ५ का वडाध्यक्ष लिलानाथ न्यौपाने लगायतको उपस्थिति रहेको थियो ।