विदुर कार्यसमतिको चुनावमा ओली समुहका सबै उम्मेद्धवार पराजित

नुवाकोट । नेकपा एमाले नुवाकोटको विदुर नगरकार्य समितिको अधिवेशनमा ओली समुहका सबै उम्मेद्धवार पराजित भएका छन् ।

विदुर नगर कार्य समितिको बुधवार भएको निर्वाचनमा केन्द्रमा ओली समुह निकट रहेका सबै उम्मेद्धवारलाई पराजित गर्दै सुरेन्द्र पाण्डे पक्षका उम्मेद्धवारले शानदार जीत हात पारेका हुन् ।

जिल्लामा केशव पाण्डे, विन्दा अर्याल र बद्री मैनाली समुह पराजित हुँदा पुर्व सांसद नारायण प्रसाद खतिवडा समुहले सबै सिटमा जीत हात पार्न सफल भएको छ ।

अध्यक्षका उम्मेद्धवार रहेका अनुजकुमार श्रेष्ठलाई केशव पाण्डे, विन्दा अर्याल र बद्री मैनाली लगायतको साथ रहेको थियो भने संजीवबहादुर श्रेष्ठलाई नेता नारायण प्रसाद खतिवडा समुहले साथ दिएको थियो ।

अध्यक्षमा विजयी सञ्जिवले १५८ मत प्राप्त गरी विजयी हुँदा अनुज श्रेष्ठ १०६ मत प्राप्त गरेका थिए । अध्यक्षमा विजयी श्रेष्ठ विदुर खानेपानी उपभोक्ता समितिको समेत अध्यक्ष समेत रहेका छन् ।

उपाध्यक्षमा श्याम कृष्ण चालिसे १७३ मतसहित विजयी हुँदा देवनारायण चित्रकारले ९० मत प्राप्त गरे । सचिवमा तोयानाथ तिम्सिनाले १४८ मतसहित विजयी हुँदा उपेन्द्र रिमालले १०८ मत प्राप्त  गरेका थिए ।

त्यस्तै उपसचिवमा पुर्णबहादुर कार्की १३३ मतसहित विजयी हुँदा दिल्लीप्रसाद गजुरेलले ११८ मत  प्राप्त गरेका थिए । ।

महिला उपसचिवमा करिना नेपाल १३७ मतसहित विजयी हुँदा मुना पुडासैनी न्यौपानेले १०८ मत प्राप्त गरेकी थिइन् ।

यस्तै लेखा समिति संयोजकमा रामशरण तिम्सिना १२९ मतसहित विजयी हुँदा रामकृष्ण खडकाले ११८ मत गरेका थिए ।

योसँग नुवाकोटमा मतदानकै माध्यमबाट एमालेभित्र नारायण खतिवडाको समूहको कमब्याक भएको छ । पछिल्लो समय खतिवडा निकै मसिनो ढंगले पार्टीको गतिबिधिमा सहभागी हुँदै आइरहेका छन् ।

ओली समुहबाट पेलिएको अनुभव गरेका खतिवडा पछिल्लो पार्टीभित्र संगठन निर्माणमा तिव्र लागिरहेका छन् ।