जनयुद्ध दिवसमा त्रिशुली अस्पतालका विरामीलाई फलफूल वितरण

नुवाकोट । ३० औं जनयुद्ध दिवसको अवसर पारेर नेकपा माओवादी केन्द्र विदुर नगर कमिटिले त्रिशुली अस्पतालका विरामीहरुलाई फलफूल वितरण गरेको छ ।

आज विहान एक कार्यक्रमको आयोजना गरि अस्पतालका विरामीहरुलाई फलफूल वितरण गर्नुको साथै अस्पताललाई एक सेट वाटर डिस्पेन्सर उपलब्ध गराएको नेकपा माओवादी विदुर नगर कमिटिका अध्यक्ष भोजराज पनेरुले जानकारी दिए ।

“जनतासंग माओवादी“ भन्ने मुल नाराका साथ अस्पतालमा उपचाररत बिरामीहरुको शिघ्र स्वास्थ्यलाभको कामना गर्दै बिरामी भेटघाट तथा फलफुल वितरण कार्यक्रम गरिएको पनेरुले बताए ।

यस्तै कार्यक्रममा नेकपा माओवादी केन्द्रका केन्द्रिय सदस्य तथा जिल्ला ईन्चार्ज हिरानाथ खतिवडाले जनयुद्धको जगमा देश अहिले गणतान्त्रिक मुलक बनेको बताए । उनले अहिलेको व्यवस्थालाई जोगाउन सबै राजनीतिक दलहरु एकजुट हुनुपर्ने बताए ।

कार्यक्रममा अस्पताल विकास समिति अध्यक्ष उप्रेन्द्र बुढाथोकीले बिरामीलाई तातो चिसो पानीको सहजताको लागि वाटर डिस्पेन्सर उपयोगी हुने बताए । उनले आगामी दिनमा पनि अस्पतालले विभिन्न संघसंस्थासँग सहकार्य गरेर अगाडी बढ्ने उल्लेख गरे ।

कार्यक्रममा अस्पतालका डाक्टर राजेन्द्र लामा लगायतको उपस्थिति रहेको थियो ।