बट्टार क्याम्पसको भ्रम र यर्थाथता

नुवाकोट । नुवाकोटमा सबैभन्दा पहिले स्थापित नुवाकोट आदर्श बहुमुखी क्याम्पस पछिल्लो केही सातादेखि चर्चामा छ ।

सामाजिक संजालदेखि विभिन्न मिडियामा चर्चाको विषय बनेको क्याम्पस र यसका संचालक समितिका अध्यक्ष लगायतको विवादको तथ्य यस लेखमा चर्चा गरिएको छ ।

वि.सं. २०४३ मा स्थापित क्याम्पसको संस्थापक अध्यक्ष धर्मवहादुर थापा हुन् । दोस्रो क्याम्पस अध्यक्षमा नरेन्द्र चौधरी रहेका छन् । पन्चायत कालमा अञ्चलाधिशलाई क्याम्पस अध्यक्षको जिम्मा दिइने गरिन्थ्यो न कि कुनै पनि व्यक्तिलाई । पछि क्याम्पसको तेस्रो अध्यक्षको रुपमा वसन्तलाल श्रेष्ठलाई चयन गरिएको थियो ।

वि.सं. २०७८ मा भएको नवाँै क्याम्पससभा तथा प्रथम अधिवेशन गैरकानुनी तथा अवैधानिक भएको जनाउँदै त्यस सभा र अधिवेशनले गठन गरेको श्रीराम श्रेष्ठ अध्यक्ष रहेको सञ्चालक समिति र त्यसले गरेको सम्पूर्ण अवैधानिक निर्णय बदर गरिपाऊँ भन्दै अदालती निकाय र सङ्घसंस्थामा हारगुहार गरिरहेको छ ।

क्याम्पस सञ्चालक समितिको यही माघ २ गते बसेको बैठक १९ गते दसौँ क्याम्पससभा तथा दोस्रो अधिवेशन गर्ने निर्णय गरेको छ । क्याम्पसका संस्थापक अध्यक्ष एवम् प्रमुख संरक्षक भनिएका वसन्तलाल समूहले उक्त क्याम्पससभा र सम्मेलन रोक्न विभिन्न निकायमा धाइरहेको छ । उनीहरुले अवैधानिक क्याम्पससभाले आयोजना गरेको अधिवेशन स्थगित गर्नुपर्ने माग गर्दै आइरहेका छन् । उनीहरुले संचालक समिति अवैधानिक रहेको भन्दै उच्च अदालत पाटन र सर्वाेच्च अदालत समेत पुगेका थिए ।

क्याम्पसका तत्कालिन क्यामपस प्रमुख भोला प्रसाद पाण्डे संस्थापक अध्यक्ष भनिएका वसन्तलाल श्रेष्ठ ÷ नारायणलाल श्रेष्ठले २०८० साल जेठ २६ गते क्याम्पस, सञ्चालक समिति अध्यक्ष श्रीराम श्रेष्ठ , क्याम्पस प्रमुख जितेन्द्र अर्याल ,क्याम्पसको जेष्ठ सदस्य छत्रराज डंगोललगायतलाई विपक्षी बनाई मुद्धा दायर गरेका थिए ।

तर सर्वाच्च अदालतका न्यायधिश विश्वमभर प्रसाद श्रेष्ठ र डाक्टर कुमार चुडालको मिति २०८० साल असोज ५ गतेको संयुत्त इजलासले अन्तिम निर्णय दिँदै विपक्षीको नाममा फैसला सुनाएको थियो । साथै अदालतले कुनैपनि आदेश जारी गर्न नपर्ने निर्णय गरेको थियो ।

हाल क्याम्पसका संचालक समितिका अध्यक्ष श्रीराम श्रेष्ठले क्याम्पसको वैधानिक सस्था क्याम्पससभा नै रहेको बताए । उनले उच्च अदालत पाटन र सर्वाेच्च अदालतले आफुहरुको पक्षमा निर्णय गरिसकेकोले अदालतले गरेको निर्णयको विषयमा कुनै रोइलो गर्न जरुरी नरहेको बताए । सर्वाेच्च अदालतले गरेको निर्णय मान्नुको विकल्प नै छैन श्रेष्ठले भने । उनले अदालतको निर्णयको विरुद्ध गएर टिप्पणी गर्नेहरुलाई उल्ट्टै मानहानीको मुद्धा लाग्ने बताए ।

उनले क्याम्पसको विधानमा प्रमुख संरक्षकको अवधारणा नै नरहेको भन्दै केही व्यक्तिले आफै क्याम्पसको संरक्षकको दाबी गरिरहेको समेत बताए ।

तर क्याम्पसको स्वीकृत विधानअनुसार सभा र अधिवेशन गर्न लागिएको जिकिर क्याम्पस प्रमुख नारायणमान डङ्गोलले गरेका छन् । सबैलाई सभामा उपस्थित भएर छलफल गरी विवाद टुङ्ग्याउन उनले आग्रह समेत गरे । वि.सं. २०४२ मा रसुवा, धादिङ र नुवाकोट क्षेत्रकै समुदायले सञ्चालन गर्ने गरी त्रिविबाट अस्थायी सम्बन्धन लिएर पहिलो सामुदायिक क्याम्पस स्थापना भएको थियो ।

भौतिक रूपमा सम्पन्न क्याम्पसमा शैक्षिक जनशक्ति र विद्यार्थीको सङ्ख्या पर्याप्त छ । शिक्षा, व्यवस्थापन र मानविकी सङ्कायमा प्लस टुदेखि स्नातकोत्तरसम्म अध्ययन हुने सो क्याम्पसमा करिब एक हजार विद्यार्थी अध्ययनरत छन् ।

सर्वाेच्च अदालतको अन्तिम निर्णयहरु ।