लोकप्रिय उपभोक्ता सहकारीको बाह्रौँ वार्षिक साधारणसभा सम्पन्न

नुवाकोट । विदुर नगरपालिका वडा नम्बर ४ बट्टारमा रहेको श्री लोकप्रिय उपभोक्ता सहकारी संस्था लिमिटेडको बाह्रौँ वार्षिक साधारणसभा शुक्रवार सम्पन्न भएको छ ।

साधारणसभाको उद्घाटन गर्दै प्रतिनिधि सभा अन्तर्गतको कानुन न्याय तथा मानवअधिकार समितिकी सभापति विमला सुवेदीले सहकारी जनताको नजिकको सुखदुखको साथी रहेको बताइन् । उनले सहकारीले राष्ट्र निर्माणको खम्बाको रुपमा भुमिका खेल्ने समेत उल्लेख गरिन् ।
सुुवेदीले केही सहकारीको कारणले गर्दा आम सहकारीहरु मर्कामा परेको बताइन् । उनले सबैको सामुहिक प्रयासबाट लोकप्रिय सहकारी लोकप्रिय बनेको भन्दै खुशी व्यक्त गरिन् ।

यस्तै कार्यक्रममा विदुर नगरपालिका वडा नम्बर ५ का वडाध्यक्ष तथा सहकारीका सल्लाहकार लिलानाथ न्यौपानेले लोकप्रिय सहकारी जिल्लाकै लोकप्रिय सहकारी भन्दै अब्बल रहेको बताए । वडाध्यक्ष न्यौपानेले सहकारीलाई गतिशिल, तन्दुरुस्त र सुशासन कायम गर्न संचालक समितिका पदाधिकारीहरु लागि परेको बताए ।

उनले देशका केही सहकारीहरुमा रकम अपचलनको विषय आएपनि जिल्लामा त्यस्तो अवस्था नरहेको बताए । उनले अबको दिनमा धेरै ठुलो लगानी गर्नु उपयुत्त नरहेको बताए ।

साधारणसभामा सहकारीको वार्षिक प्रतिवेदन प्रस्तुत गर्दे अध्यक्ष चन्द्रवहादुर कुमालले आगामी दिनमा उपभोक्तामुखि सेवा मार्फत सदस्यहरुको बृद्धि र विकासमा ध्यान दिने बताए । उनले सहकारीले आर्थिक वर्ष २०८०÷८१ कुल ३ लाख २४ हजार ७ सय ९२ रुपैयाँ नाफा कमाएको उल्लेख गरे ।

यस्तै सहकारीका कोषाध्यक्ष रामहरि घिमिरेले गत आर्थिक वर्षको आर्थिक प्रतिवेदन र आर्थिक वर्ष २०८१÷८२ को अनुमानित आयव्यय प्रस्तुत गरेका थिए । सहकारीको आर्थिक वर्ष २०८०÷८१ सम्ममा २ करोड ५९ लाख ९८ हजार ७ सय शेयर पूँजी रहेको छ । सहकारीले ११ करोड ६३ लाख ६४ हजार ३ सय ७७ हजार निक्षेप संकलन गरि ९ करोड ४४ लाख २७ हजार ६ सय ७० रुपैयाँ ऋण लगानी गरेको कोषाध्यक्ष घिमिरेले प्रस्तुत गरेको प्रतिवेदनमा उल्लेख छ ।

यस्तै लेखा समितिको प्रतिवेदन प्रस्तुत गर्दे सदस्य राजु मगरातीले संस्थाले राख्नुपर्ने न्युनतम तरलताको हकमा सरकारी मापदण्ड अनुसार नै रहेको भन्दै खराब ऋणको हकमा कानुन अनुसार अशुलउपर गर्न कदम चाल्नुपर्ने बताए ।

कार्यक्रममा सहकारीका पुर्व अध्यक्ष केशववहादुर कुमाल, रााष्ट्रिय सहकारी बैंक नुवाकोट शाखाका शाखा प्रमुख मिलन श्रेष्ठ लगायतले शहकारी सबैको सहयागेका कारण उत्कृष्ट लयमा रहेको बताए ।

साधारणसभामा उत्कृष्ट बालबचततर्फ आभ्या ढकाल, उत्कृष्ट बचतकर्तातर्फ मुईया गजुरेल। उत्कृष्ट ऋणीतर्फ चुलीमाया तामाङ र जेष्ठ शेयरसदस्य लिलावहादुर खनाललाई सम्मान गरिएको थियो ।

यस्तै २०८० सालको एसइई परिक्षामा ए प्लस ल्याउने शेयर धनीका छोराछोरीहरुलाई समेत नगदसहित सम्मान गरिएको छ । सम्मानित हुनेमा पुर्णिमा धमला, विवस डंगोल, दिलाशा केशी र विराज तामाङ रहेका छन् ।