अस्पताल उत्कृष्ट बनाउन दिनरात नभनि काम गर्छु : बुढाथोकी

नुवाकोट । त्रिशुली अस्पताल संचालन तथा व्यवस्थापन समितिको अध्यक्ष उपेन्द्र बुढाथोकीलले अस्पतालको व्यवस्थापनलाई चुस्तदुरुस्त बनाउन आफुले दिनरात नभनि काम गर्ने बताएका छन् ।

शुक्रवार अस्पताल संचालन तथा व्यवस्थापन समितिको अध्यक्षको पदभार ग्रहण गर्दे अध्यक्ष बुढाथोकीले आगामी दिनमा अस्पताललाई प्रदेशकै नमूना अस्पतालका रूपमा विकास गर्ने सोच रहेको बताए । उनले अस्पतालको सेवालाई अझ प्रभावकारी बनाउन सबै सरोकारवालाहरुसँग सहकार्य गर्ने बताए ।

जनताको चाहाना अनुसार आफ्नो क्षमताले भ्याएसम्म राम्रो काम काम गर्छु उनले भने । अध्यक्ष बुढाथोकीले आफु अस्पतालमा अध्यक्षको फोटो टाँस्न मात्र नआएको भन्दै जनताले अनुभुति गर्ने गरि केहि न केहि परिर्वतन गर्ने बताए ।

अध्यक्ष बुढाथोकीले आफ्नो कार्यकालमा अस्पताललाई देशकै नमुना अस्पतालको रुपमा विकास गर्ने बताए । उनले सामान्यदेखि जटिल रोगको उपचार समेत जिल्लामै दिन अस्पताल प्रशासन लागिपर्ने बताए ।

अस्पतालले दिने सेवासुविधामा हिजोको तुलनामा परिर्वतन पक्कै गर्नेछु । तर कसैलाई जागिर लगाइदिन सकिन भने नरिसाइदिनुहोला, बुढाथोकीले भने ।