त्रिशुली अस्पतालका अध्यक्ष बुढाथोकीलाई लायन्स क्लबको सम्मान

नुवाकोट । त्रिशुली अस्पताल संचालन तथा व्यवस्थापन समितिको अध्यक्षमा उपेन्द्र बुढाथोकीलाई लायन्स क्लब अफ नुवाकोट त्रिशुलीले सम्मान गरेको छ ।

शनिवार लायन्स क्लब अफ नुवाकोट त्रिशुलीले कोलनीमा संचालन गरेको आँखा तथा दाँतको निशुल्क उपचार शिबिरको उदघाट्न कार्यक्रममा अस्पतालका अध्यक्ष बुढाथोकीलाई सम्मान गरिएको हो ।

सम्मान कार्यक्रममा बोल्दै अस्पतालका अध्यक्ष बुढाथोकीले आफ्नो कार्यकालमा अस्पताललाई देशकै नमुना अस्पतालको रुपमा विकास गर्ने बताए । बुढाथोकीले सामान्यदेखि जटिल रोगको उपचार समेत जिल्लामै दिन अस्पताल प्रशासन लागिपर्ने उल्लेख गरे ।

गत बिहिबार अस्पतालको अध्यक्षको जिम्मा पाएका बुढाथोकीले आगामी शुक्रवारदेखि आफ्नो कार्यभार सम्माल्ने छन् ।