ककनी २ को वडाध्यक्षमा ११ जनाको उम्मेदवारी दर्ता

नुवाकोट । नुवाकोटको ककनी गाउँपालिका वडा नम्बर २ को वडाध्यक्ष पदमा हुने स्थानीय तह उपनिर्वाचनका लागि ११ जनाले मनोनयन दर्ता गराएका छन् ।

उप–निर्वाचनअन्तर्गत आइतबार विभिन्न राजनीतिक दल तथा स्वतन्त्र गरी ११ जनाले मंसिर १६ गते ककनी २ मा हुने वडाध्यक्ष पदको निर्वाचनका लागि मनोनयन पत्र दर्ता गराएको मुख्य निर्वाचन अधिकृतको कार्यालयले जनाएको छ ।

वडाध्यक्ष पदका लागि कांग्रेसको तर्फबाट सुर्य जिम्बा तामाङ, एमालेबाट यमबहादुर लामा, माओवादी केन्द्रको तर्फबाट कृष्ण घिमिरे र रााष्ट्रिय स्वतन्त्र पार्टीको तर्फबाट मंगलसिद्धि तामाङ लगायतले मनोनयन दर्ता गराएका छन् ।

यस्तै नेकपा एकीकृत समाजवादीको तर्फबाट मान वहादुर लामा, राष्ट्रिय प्रजातन्त्र पार्टीको तर्फबाट खेम बहादुर थापा, नेपाल मजदुर किसान पार्टीको तर्फबाट माईली माया तामाङ, मंगोल नेशनल अर्गनाइजेसनको तर्फबाट किरण तामाङ, नागरिक उन्मुक्ति पार्टीको तर्फबाट किरण तामाङले मनोनयन पत्र दर्ता गरेका छन् ।

त्यस्तै रमेश पुडासैनी र सोनु तामाङले स्वतन्त्र श्रपमा मनोनयन पत्र दर्ता गरेका छन् ।

मनोनयन दर्ता गर्र्नुअघि प्रमुख राजनीतिक दलहरु नेपाली कांग्रेस, नेकपा एमाले , नेकपा माओवादी, नेकपा एकीकृत समाजवादी र रााष्ट्रिय स्वतन्त्र पार्टी लगायतले आफ्नो उम्मेद्धवारको पक्षमा नारा लगाउँदै जीत निश्चित रहेको बताएका थिए ।

गत २०७९ वैशाखमा सम्पन्न स्थानीय तह निर्वाचनबाट वडाध्यक्षमा निर्वाचित तिलक वहादुर लामाको मृत्यु भएसँगै यस वडामा उपनिर्वाचन हुन लागेको हो ।