नुवाकोटेलाई होटल वाटर टावरमा २० प्रतिशत छुट

नुवाकोट । होटल वाटर टावरले नुवाकोट र रसुवाका जनतालाई खाना तथा पेय पदार्थमा २० प्रतिशत छुट दिने भएको छ ।

हिम–नदि पर्यटन सहकारी संस्था लिमिटेडको ११ औ वार्षिक साधारणसभाको निर्णय अनुसार होटलले नुवाकोट तथा छिमेकी जिल्लाका स्थानीयहरुलाई होटलमा विभिन्न किसिमको छुट तथा सुविधा प्रदान गर्ने निर्णय गरेको हो ।

त्यस्तै होटलले कोठा बुकिङमा नुवाकोट र रसुवाका जनताहरुलाई २५ प्रतिशत छुट दिने व्यवस्था मिलाइएको हिम–नदि पर्यटन सहकारीका संस्थाका अध्यक्ष कसुमकुमार कार्कीले जानकारी दिए । नुवाकोट र छिमेकी जिल्लाका स्थानियहरुलाई विभिन्न छुट तथा सुविधा दिने व्यवस्था गरिएको उनले बताए । दशैँको अवसर पारेर चियापान कार्यक्रमको आयोजना गरि छुट निर्णयको कार्यान्यन गरिएको उनले बताए ।

तत्कालको लागि होटलले छुट सदस्यता कार्ड प्रदान गर्ने र पछि डिजिटल प्रविधिको प्रयोगबाट छुट सविधा दिने सिदार्थ होटल वाटर टावर बट्टारका म्यानेजर मनिक हुमागाईले जानकारी दिए ।

छुट सुविधा २०८१ पौष मसान्तसम्म लागु हुने बताइएको छ ।

हिम–नदि पर्यटन सहकारी संस्था लिमिटेडद्धारा संचालित होटल वाटर टावरको व्यवस्थापन सिदार्थ विजनेश गु्रप अफ हस्पीटालिटीले लिएको छ ।