नुवाकोटको बट्टारमा सुपथ मुल्य पसल खुल्यो

नुवाकोट । नुवाकोटको बट्टारमा चाडपर्वलाई लक्षित गरी सहुलियत पसल सञ्चालन गरिएको छ ।

सुपथ मुल्य पसलको आज नुवाकोटका प्रमुख जिल्ला अधिकारी रामकृष्ण अधिकारी र नुवाकोट उद्योग वाणिज्य संघका अध्यक्ष राजेन्द्र श्रेष्ठले संयुत्त रुपमा उद्घाटन गरेका हुन् ।

सुपथ मुल्य पसलमा चामल, नून र चिनी, मैदा, चिउरा र तेल लगायतका २० खाद्यान्नहरु राखिएको छ । चाडपर्व लक्षित गर्दै साल्ट ट्रेडिङले सहुलियत पसल सुरु गरेपछि स्थानीय उपभोक्ता खुसी भएका छन् ।

सङ्घीय सरकारको निर्णयअनुसार जिल्लामा आजदेखि सुपथ मूल्य पसल सञ्चालनमा ल्याइएको हो ।

सुपथ मुल्य पसलको उद्घाटन गर्दै नुवाकोटका प्रमुख जिल्ला अधिकारी रामकृष्ण अधिकारीले अत्यावश्यक वस्तुहरुमा केही सहुलियत दिएर सुपथ मूल्य पसल सञ्चालमा ल्याइएको बताए । उनले चाडपर्वका बेला अत्यावश्यक वस्तुको सहज उपलव्धता र सहुलियत दिने सरकारको महत्वपूर्ण काम भएको बताए ।

त्यस्तै विदुर नगरपालिका वडा नम्बर ४ का वडाध्यक्ष निलमबाबु ढुङ्गेलले चाडपर्वको समयमा उपभोक्तालाई राहत दिनका लागि सुपथ मूल्यका पसल वरदान सावत हुने बताए । उनले जनतालाई राहात सदन यस्तो कार्यक्रम प्रभावकारी हुने बताए ।

यस्तै कार्यक्रममा नुवाकोट उद्योग वाणिज्य संघका अध्यक्ष राजेन्द्र श्रेष्ठले गतवर्ष झै यसपटक पनि नुवाकोटमा सुपथ मुल्य पसल खोलिएको भन्दै खुशी व्यक्त गरे । उनले सुपथ मुल्य पसलबाट लाभ लिन समेत सबैलाई आग्रह गरे ।

सुपथ मूल्य पसलमा सामानखरिदगर्दा २ रुपैयाँदेखि एकुसय ४० रुपैयाँसम्म छुट पाइने भएको छ ।