सामाजिक सुरक्षा भत्ता द्रुत गतिमा वितरण गर्न अध्यक्ष अधिकारीको निर्देशन

नुवाकोट । तारकेश्वर गाउँपालिकाका अध्यक्ष शिव अधिकारीले सामाजिक सुरक्षा भत्ता द्रुत गतिमा वितरण गर्न निर्देशन दिएका छन् ।

अध्यक्ष अधिकारीले नजिकदो चाडपर्वलाइ ध्यानमा राख्दै आजबाट सबै ज्येष्ठ नागरिकहरूलाई सामाजिक सुरक्षा भत्ता (वृद्ध भत्ता) वितरण गर्न र अध्यक्षसँग ज्येष्ठ नागरिक कार्यक्रम शुरु गर्न पञ्जीकरण शाखालाई निर्देशन दिएका हुन् ।

अध्यक्ष अधिकारीले आजदेखि बृद्ध भत्ता वितरण हुने भएकोले वडा वडामा सक्रिय रूपमा खटिएर सहयोग र सहजीकरण गरिदिन वडाअध्यक्ष आग्रह समेत गरेका छन् ।

अध्यक्ष अधिकारीले सामाजिक सुरक्षा भत्ता वितरणसँगै अध्यक्षसँग ज्येष्ठ नागरिक कार्यक्रम समेत प्रभावकारी रुपमा गर्न निर्देशन दिएका छन् ।

ज्येष्ठ नागरिक कार्यक्रम अन्तर्गत तारकेश्वर गाउँपालिकाले ३÷३ महिनामा वडा वडामा कार्यक्रम गरि ज्येष्ठ नागरिकहरूको निःशुल्क स्वास्थ्य परीक्षण र औषधी वितरण गर्दै आइरहेको छ ।