बहादुर सिं लामा बागमती प्रदेशको पाँचौं मुख्यमन्त्रीमा नियुक्त

नुवाकोट। बागमती प्रदेशको पाँचौं मुख्यमन्त्रीका रुपमा नेपाली काँग्रेस संसदीय दलका नेता बहादुर सिं लामा नियुक्त भएका छन् ।
प्रदेश प्रमुख यादवचन्द्र शर्माले संविधानको धारा १६८ को उपधारा २ बमोजिम लामालाई मुख्यमन्त्री नियुक्ती गरेको पत्र दिएका छन् ।

लामाले आजै मुख्यमन्त्रीको लागि नेकपा एमालेका २७ र नेपाली काँग्रेसमा ३७ सांसदको हस्ताक्षर सहित प्रदेश प्रमुख शर्मा समक्ष दाबी पेश गरेका थिए । संघीयता कार्यान्वयनपछी नेपाली काँग्रेसले पहिलो पटक सरकार नेतृत्वको अवसर पाएको हो ।

नवनियुक्त मुख्यमन्त्री लामाको सपथ बुधबार बिहान ११ बजेर ११ मिनेटमा हुने तय भएको छ । मुख्यमन्त्री लामा तामाङ समुदायबाट बागमती प्रदेशको मुख्यमन्त्री बन्ने पहिलो व्यक्ति रहेका‌ छन्।