बालिकालाई जबरजस्ती गरेको आरोपमा नुवाकोटका एकजना पक्राउ

नुवाकोट । बालिकालाई जबरजस्ती करणी गरेको आरोपमा नुवाकोटका एकजना पक्राउ परेका छन् ।

१६ वर्षीया किशोरीलाई जबरजस्ती करणी गरेको अभियोगमा नुवाकोट बेलकोटगढी नगरपालिका-१३ घर भएका हाल चन्द्रागिरी नगरपालिका वडा नम्बर १२ बस्ने २६ वर्षीय दिपेश मगरलाई बुधबार राति प्रहरीले पक्राउ गरेको छ ।

मगरलाई ती किशोरीलाई चन्द्रागिरी नगरपालिका-१२ स्थित घरमा विगत १०/१२ दिनदेखि बन्धक बनाई जबरजस्ती करणी गरेको भन्ने उजुरीको आधारमा प्रहरी प्रभाग बलम्बुबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।