नुवाकोट होटल व्यवसायी संघको अध्यक्षमा पुन : अधिकारी

नुवाकोट । नुवाकोट होटल तथा रेष्टुरेन्ट व्यवसायी संघको अध्यक्षमा पुन : बासुदेव अधिकारी निर्वाचित भएका छन् ।

शनिवार भएको संघको ५ औं अधिवेशनले अधिकारीको नेतृत्वमा १६ सदस्यीय नयाँ कार्यसमति निर्विरोध चयन गरेको हो ।

संघको वरिष्ठ उपाध्यक्षमा गोविन्दराज न्यौपाने, महिला उपाध्यक्षमा शारदादेवी ढकाल, उपाध्यक्ष रामशरण पौडेल र कृष्णबहादुर मानन्धर चयन भएका छन् ।

त्यस्तै महासचिवमा रविन्द्र चालिसे, उप महासचिवमा शिवराज लामिछाने, सचिवमा सुशील श्रेष्ठ र कोषाध्यक्षमा विनोद लामिछाने निर्वाचित भएको निर्वाचन समितिले जनाएको छ ।

संघको सदस्यहरु चन्द्रबहादुर घले, गोपाल लामा, सौगात अमात्य, पवन नेपाल, रामकुमार थापा, उमेश तामाङ र सुशान्त अधिकारी चयन भएका छन् ।

यस्तै सल्लाहकारहरुमा सन्तोष उप्रेती, आर.एस अधिकारी, सविन श्रेष्ठ र तामाङ प्लाजा चयन भएका छन् ।

यसैविच नुवाकोट होटल तथा रेस्टुरेन्ट व्यवसायी संघले ११ औं साधारणसभा तथा ५ औं अधिबेशनको अवसर पारेर जिल्लामा पर्यटन र व्यवसायको माध्यमबाट योगदना पुराउने व्यक्तिहरुलाई सम्मान गरिएको छ ।

नुवाकोटमा पर्यटन प्रबर्द्धन अभियानमा अमुल्य भुमिका निभाएको भन्दै गौतम मानसिंह डङोल सम्मनित भएका छन् । यस्तै नुवाकोटमै सानो लगानीबाट सुरु गरि नुवाकोटलाई चिनाउने स्तरीय होटल संचालनमा ल्याएको भन्दै हारती क्राउन होटलका संचालक किसन चित्रकारलाई सम्मान गरिएको छ ।

त्यस्तै होटल ब्यबसायी महासंघ नेपालको केन्द्रिय पर्यटन उपाध्यक्ष सन्तोष उप्रेतीलाई समेत सम्मान पत्र प्रधान गरिएको थियो ।