न्यु ईनारपाटी युवा क्लबद्धारा वेशीधारामा सरसफाई कार्यक्रमको आयोजना

नुवाकोट । नुवाकोटको विदुर नगरपालिका वडा नम्बर ६ ईनारपाटीमा रहेको न्यु ईनारपाटी युवा क्लबले शनिवार विभिन्न स्थानमा सरसफाई कार्यक्रमको आयोजना गरेको छ ।

क्लबले ईनारपाटीमा रहेको वेशीधाराको वरिपरि सरसफाई कार्यक्रमको आयोजना गरेको क्लबका अध्यक्ष धिरज सापकोटाले विदुर खबरलाई जानकारी दिए ।

क्लबले धारा आसपास फोहोर बढेको भन्दै स्थानिय व्यत्तिहरुको उपस्थितिमा सरसफाई कार्यक्रम आयोजना गरेको हो ।

क्लबले अब प्रत्येक शनिवार ईनारपाटीको विभिन्न स्थानमा सरसफाईको साथसाथै सामाजिक काम गर्ने स्थानिय दिपकराज केसीले बताए ।

न्यु ईनारपाटी युवा क्लब भरखर्रै सम्पन्न भएको नुवाकोट जिल्लास्तरीय लिग छनौट नकआउट फुटबल प्रतियोगिताको सेमिफाईनलमा पुगेर जिल्ला लिगमा समेत छनोट भएको थियो ।