नुवाकोटको तादी खोलामा पौडी खेल्ने क्रममा दुई जनाको मृत्यु

नुवाकोट । नुवाकोटको तादस् खोलामा पौडी खेल्ने क्रममा दुई जनाको मृत्यु भएको छ ।

आज दिउँसो १ बजेको समयमा बेलकोटगढी नगरपालिका वडा नम्बर १० तादिखोला स्थित घुमाउने दहमा पौडी खेल्ने क्रममा दुई जनाको मृत्यु भएको जिल्ला प्रहरी कार्यालय नुवाकोटले जनाएको छ ।

मृत्यु हुनेमा ककनी गाउँपालिका वडा नम्बर ४ का हिमाल तामाङ र बेलकोटगढी नगरपालिका वडा नम्बर १३ का रोजन तामाङ रहेको प्रहरीले जनाएको छ ।

पौडी खेल्ने क्रममा खोलामा डुबेर बेपत्ता भएका उनीहरुलाई प्रहरी चौकी तादि पुल र जिल्ला प्रहरी कार्यालय नुवाकोटबाट खटिएको टोलीले उनीहरुलाई बेहोस अवस्थामा भेट्टाएको थियो ।

बेहोस अवस्थामा भेटिएका उनीहरुलाई एम्बुलेन्समा राखी त्रिशुली अस्पताल ल्याइएको थियो । अस्पतालमा ल्याइएपनि उनीहरुलाई प्रहरीले मृत घोषित गरेको जिल्ला प्रहरी कार्यालय नुवाकोटले जनाएको छ ।

मृतक तामाङद्धय सँगै अन्य ४ जना साथीहरु समेत खोलामा पौडी खेल्न गएको बताइएको छ । घटनाको सम्बन्धमा थप अनुसन्धान भइरहेको प्रहरीले जनाएको छ ।

फोटोहरु ।