बालिकालाई यौन कार्यमा लगाउने नुवाकोटकी रश्मी पक्राउ

नुवाकोट । नाबालिकालाई यौन कार्यमा लगाएको अभियोगमा नुवाकोटको एक महिला पक्राउ परेकी छिन् ।

पक्राउ पर्नेमा नुवाकोट ककनी गाउँपालिका वडा नम्बर ५ घर भई काठमाडौं महानगरपालिका–१६ बसन्तनगर बस्ने २९ वर्षीया रश्‍मी लामा रहेको प्रहरीले जनाएको छ ।

लामाले प्रलोभन देखाई विभिन्न होटल तथा गेष्ट हाउसहरूमा नाबालिकालाई जबरजस्ती वेश्यावृत्तिमा लगाएको भन्ने सूचनाको आधारमा मानव बेचबिखन अनुसन्धान व्यूरो बबरमहलबाट खटिएको प्रहरीले उनलाई नयाँ बानेश्‍वरबाट पक्राउ गरेको हो ।

साथै प्रहरीले पीडितलाई उद्दार समेत गरेको छ ।

उनी उपर मानव बेचबिखन तथा ओसारपसार मुद्दामा जिल्ला अदालत काठमाडौंबाट ५ दिन म्याद थप गरी यस सम्बन्धमा प्रहरीबाट आवश्यक अनुसन्धान भइरहेको छ ।