दुप्चेश्वकी लक्ष्मी मानव बेचविखन मुद्धामा सात वर्षपछि पक्राउ

नुवाकोट । मानव बेचबिखन तथा ओसारपसार मुद्दाका फरार प्रतिवादी नुवाकोटको दुप्चेश्वर गाउँपालिका वडा नम्बर ६ की लक्ष्मी नेपाली भन्ने लक्ष्मी दमाईलाई आईतवार प्रहरीले पक्राउ गरेको छ ।

वि.स २०७५ साल पुष २२ गते १७ बर्षको बालिकालाई ललाई फकाई भारतको नया दिल्ली पुर्याईि बेच्ने र बेश्यगमनको काममा लगाउने कार्यमा संलग्न भएको आरोपमा उनलाई उच्च अदालत पाटनले २०७९ साल असार १९ गते ७ बर्ष कैद फैसला तोकेको थियो ।

अदालतको फैसलापछि फरार रहेकी उनलाई जिल्ला प्रहरी कार्यालय नुवाकोटबाट खटिएको प्रहरी टोलीले काठमाण्डौको नयाँ बसपार्कबाट पक्राउ गरि जिल्ला अदालत नुवाकोटमा बुझाउँदा अदालतको आदेशले ७ बर्ष कैद भुक्तानको लागि कारागार चलान गरिएको छ ।