त्रिशूलीको कटानले तारुकाघाट र दर्शनटार जोखिममा

नुवाकोट । त्रिशूली नदीमा पानीको बहाव बढेसँगै नदी किनार आसपासका बस्तीहरू तीव्र कटानको जोखिममा परेका छन्।

विशेष गरी तारुकाघाट र दर्शनटार क्षेत्रमा त्रिशूली नदीले उच्च कटान गर्दा तटीय क्षेत्रका घरबस्ती तथा खेतीयोग्य जमिन उच्च जोखिममा परेका हुन्।

दृश्यमा देखिएअनुसार नदीको तीव्र बहावले भीर कटान गर्दै बस्तीको नजिकैसम्म पुगिसकेको छ। कटान नरोकिएमा किनारमा रहेका धेरै घरहरू र उर्वर भूमि नदीमा पखालिने खतरा बढेको छ।

नदी कटानका कारण स्थानीय बासिन्दाहरू त्रसित बनेका छन् भने प्रभावित परिवार तथा समुदायलाई आवश्यक सहयोग र सुरक्षित सतर्कता अपनाउन जोड दिइएको छ।