बट्टारको क्रियापुत्री भवनलाई वाटर फिल्टर ट्याङ्की हस्तान्तरण

नुवाकोट । विदुर नगरपालिका वडा नं. ४, बट्टारस्थित ‘हावा घर क्रियापुत्री कल्याणकारी प्रतिष्ठान’लाई १५०० लिटर क्षमताको वाटर फिल्टर ट्याङ्की प्रदान गरिएको छ।

इनसाइड हिमालय प्रा. लि. (Waves For Water) ले सामाजिक उत्तरदायित्वअन्तर्गत उक्त शुद्ध खानेपानी फिल्टर ट्याङ्की उपलब्ध गराएको हो। विदुर नगरपालिका वडा नं. २ का वडा अध्यक्ष दीपक कायस्थको विशेष पहल तथा समन्वयमा प्रतिष्ठानलाई उक्त सहयोग प्राप्त भएको हो।

क्रियापुत्री भवनमा आउने सेवाग्राहीहरूलाई स्वच्छ र शुद्ध खानेपानीको सुविधा पुर्‍याउने उद्देश्यले फिल्टर ट्याङ्की उपलब्ध गराइएको हो।

सहयोगका लागि हावा घर क्रियापुत्री कल्याणकारी प्रतिष्ठानका अध्यक्ष माेहन खड्काले इनसाइड हिमालय प्रा. लि., सहयोगदाता संस्था WAVES FOR WATER तथा पहलकर्ता वडा अध्यक्ष दीपक कायस्थप्रति धन्यवाद प्रकट गरेका छन् ।