त्रिशूलीमा रिजालको ४५ औँ दिनको पुण्यतिथिमा शैक्षिक सामग्री वितरण

नुवाकोट । नुवाकोटको विदुर नगरपालिका वडा नम्बर ४ बट्टारका स्वर्गिय प्रेमप्रसाद रिजालको ४५ दिनको पुण्यतिथिमा त्रिभुवन त्रिशुली माध्यामिक विद्यालयका विद्यार्थीहरुलाई शैक्षिक सामाग्री वितरण गरिएको छ ।

विद्यालयको २०४१ सालको एस.एल.सी.ब्याचका प्रथम छात्र समेत रहेका स्व. रिजालको स्मृतिमा उनका सहपाठीहरूद्वारा उक्त शैक्षिक सामग्री वितरण गरिएको हो ।

जसअन्र्तगत गरिब तथा जेहेन्दार ७ जना छात्र छात्रलाई शैक्षिक सामाग्री वितरण गरिएको त्रिभुवन त्रिशुली माध्यामिक विद्यालयको २०४१ सालको एस.एल.सी.ब्याचका नविन्द्रमान प्रधानले जानकारी दिए ।

उनले आफ्ना दिवङ्गत सहपाठीको योगदान र स्मृतिलाई जीवन्त राख्न २०४१ सालका एस.एल.सी. सहपाठीहरूले संयुक्त रूपमा यो सामाजिक तथा रचनात्मक कार्य गरेका हुन् ।

कार्यक्रममा विद्यालयमा अध्ययनरत विद्यार्थीहरूलाई पठनपाठनमा सहयोग पुगोस् भन्ने उद्देश्यका साथ विभिन्न शैक्षिक सामग्रीहरू हस्तान्तरण गरिएको छ ।

कार्यक्रममा विद्यालयका प्रध्यनाअध्यापक राजेन्द्र दवाडी, विद्यालय व्यवस्थापन समितिका अध्यक्ष शर्मिला श्रेष्ठ तथा स्वर्गिय रिजालकी धर्मपत्नी सिता रिजाल लगायतको उपस्थिति रहेको थियो ।