कार्यसम्पादन मूल्याङ्कन : नुवाकोटको नतिजा खस्कियाे

नुवाकाेट । गृह मन्त्रालयले चालु आर्थिक वर्ष २०८२/८३ को तेस्रो त्रैमासिक अवधिमा गरेको कार्यसम्पादन मूल्यांकनमा जिल्ला प्रशासन कार्यालय नुवाकाेटकाे नतिजा खस्किएकाे छ ।

मन्त्रालयद्वारा सार्वजनिक मूल्यांकन नतिजाअनुसार कुल १८.२५ पूर्णाङ्कमध्ये नुवाकाेटले १७.३७५ प्राप्त गर्दै नुवाकाेटले साताै स्थान पाएकाे हाे ।

मूल्यांकन नतिजाअनुसार कुल १८.२५ पूर्णाङ्कमध्ये जिल्ला प्रशासन कार्यालय मनाङ देशभरकै उत्कृष्ट भएको छ । मनाङले १८ अंक प्राप्त गर्दै ७७ वटै जिल्ला प्रशासन कार्यालयमध्ये पहिलो स्थान हासिल गरेको हो।

यसैगरी गण्डकी प्रदेशकै म्याग्दी १७.८७५ अंक दोस्रो स्थानमा रहेको छ भने भक्तपुर र रसुवा समान १७.६२५ अंकसहित संयुक्त रूपमा तेस्रो स्थानमा रहेका छन्।

यसैगरी पाँचौँ स्थानमा मकवानपुर र स्याङ्जा रहेका छन्। मूल्यांकनमा जिल्ला प्रशासन कार्यालय काठमाडौँ २.५ अंकसहित ७६औँ स्थानमा रहेको छ भने धनुषा १.६८७५ अंकसहित अन्तिम अर्थात् ७७ औँ स्थानमा परेको छ।