युनाइटेड युथ क्लबको अध्यक्षमा पुन : गिरी

नुवाकोट । नुवाकोटको विदुर नगरपालिका वडा नम्बर ४ बट्टार संगमचोकमा रहेको युनाइटेड युथ क्लबको अध्यक्षमा पुन अच्युत महन्तराज गिरी चियन भएका छन् ।

शनिवार भएको क्लबको ३७ औ साधारणसभा तथा अधिवेशनले गिरीको नेतृत्वमा नयाँ कार्यसमिति चयन गरेको हो । क्लबको उपाध्यक्षमा रामनाथ थापामगर चयन भएका छन् भने सचिवमा विष्णुप्रसाद भट्ट, सहसचवि टिकाराम विष्ट र कोषाध्यक्षमा अनिता श्रेष्ठ निर्वाचित भएका छन् ।

यस्तै क्लबको सदस्यहरुमा सुरज गिरी, उमेश डंगोल, राज श्रेष्ठ, सुमिना श्रेष्ठ र चिनिमाया थापामगर रहेका छन् ।

अध्यक्षमा पुन निर्वाचित भएसँगै गिरीले आगामी दिनमा क्लबलाई अझै चलायमान बनाउने प्रतिवद्धता व्यत्त गरे । युनाइटेड युथ क्लबले स्थापना कालदेखिनै विभिन्न सामाजिक कामहरु गर्दै आइरहेको छ ।