नुवाकोटमा स्क्यान सम्बन्धि अभिमुखिकरण कार्यक्रम सम्पन्न

नुवाकोट । नुवाकोटमा सहकारिता अनुशिक्षण तथा स्क्यान अभिमुखीकरण कार्यक्रम शनिवार सम्पन्न भएको छ ।

नुवाकोट जिल्ला बचत तथा ऋण सहकारी संघको आयोजना तथा नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहकार्यमा अभिमुखीकरण तालिम सम्पन्न भएको हो ।

कार्यक्रममा बोल्दै नेफ्स्कूनका अध्यक्ष चन्द्र प्रसाद ढकालले परिवर्तित कानूनी बाध्यता र आउन सक्ने जोखिमलाई मध्यनजर गरी साकोस अभियानलाई सुरक्षित र दिगो संचालनको लागि स्क्यन कार्यक्रमको आवश्यता महसुस गरिएको बताए । उनले यो अभियानमा सबैलाई समेटेर साकोस अभियान सुरक्षित भएको प्रमाणीत गर्नु पर्ने उल्लेख गरे । उनले स्क्यान कार्यक्रम कार्यान्वयनमा सबैले सहयोग गर्ने विश्वास समेत व्यक्त गरे ।

कार्यक्रममा नुवाकोट जिल्ला बचत तथा ऋण सहकारी संघका अध्यक्ष नारायण श्रेष्ठले नेफ्स्कून र नुवाकोट जिल्ला बचत तथा ऋण सहकारी संघको साझेदारी कार्यक्रम अन्र्तगत अभिमुखीकरण कार्यक्रम संचालन गरेको बताए ।

उनले स्क्यानको प्रभावकारी कार्यान्वयनको बताए । श्रेष्ठले नुवाकोट जिल्ला बचत संघ नुवाकोटमा रहेका साकोसहरुलाई सुरक्षित र दिगो बनाउने अभियानमा सबै प्रकारका सहयोग र समन्वय गर्न तयार रहेको प्रतिवद्धता समेत व्यक्त गरे ।

कार्यक्रममा जिल्ला सहकारी संघ नुवाकोटका अध्यक्ष शिव प्रशाद अधिकारी ,जिल्ला वहुउद्येश्यीय सहकारी संघ नुवाकोटका अध्यक्ष ईन्द्रमणि गैरेले  स्क्यान कार्यक्रम कार्यान्वयनमा सहयोग गर्ने प्रतिवद्धता व्यक्त गरेका थिए ।

स्क्यान अभिमुखिकरण कार्यक्रमलाई सौभाग्य भट्टराईले सहजिकरण गरेका थिए । उनले स्क्यान कार्यक्रमको आवश्यकता, विकास र प्रभावकारी कार्यान्वयनका विषयमा जानकारी दिएका थिए । सो अवसरमा उनले स्क्यान कार्यक्रम कार्यान्वयनमा सहयोग गर्ने प्रतिवद्धता समेत व्यक्त गरेका थिए ।

कार्यक्रममा जिल्लाका विभिन्न १७ बचत तथा ऋण सहकारीका अध्यक्ष तथा व्यवस्थापक सहित ३० जनाकाे उपस्थिती रहेको थियो ।