नुवाकोटको ककनीमा टिफरको ठक्करबाट एक जनाको मृत्यु

नुवाकोट । नुवाकोटको ककनी गाउँपालिका वडा नम्बर १ कागतीमा टिफरको ठक्करबाट एकजनाको मृत्यु भएको छ ।

मृत्यु हुनेमा ककनी गाउँपालिका वडा नम्बर १ कागतीका २९ वर्षिय सुजन बलामी रहेको जिल्ला प्रहरी कार्यालय नुवाकोटले जनाएको छ ।

सोमवार विहान कागती गाँउ स्थित तिनपिप्ले ल्याण्डफिल्ड बन्चरेडाँडा जाने सडकखण्डको सडकको बिचमा उनी लडिरहेका छन् भन्ने जानकारी पाएपछि प्रहरी टोली घटनास्थल पुगेको थियो ।

मृत अवस्थामा रहेका उनको शव हेर्दा सवारी साधनले ठक्कर दिएको जस्तो देखिएको रहेको प्रहरीले जनाएको छ ।

प्रहरीको टोलीले बा.प्र.०१–००३ क ७९७१ नम्बरको टिफर र टिफर चालक नुवाकोटको ककनी गाउँपालिका वडा नम्बर १ का नविन बलामीलाई नियन्त्रणमा लिएको छ ।

घटनाको विषयमा थप अनुसन्धान जारी रहेको जिल्ला प्रहरी कार्यालय नुवाकोटले जनाएको छ ।