नुवाकोट १ मा कांग्रेसका महतले अग्रता बनाए

नुवाकोट क्षेत्र नम्बर १ मा नेपाली कांग्रेसका डा.प्रकाशशरण महतले अग्रता बनाएका छन् ।

मतगणनाको शुरुदेखिनै अग्रता बनाएका रास्वपाका उम्मेद्धवार डा. व्रिकम तिमिल्सेनालाई दुप्चेश्वर गाउँपालिका वडा नम्बर ४ को मतगणना सम्पन्न हुँदा डा. महतले ६ सय १७ मतले उछिनेका हुन् ।

डा. महतले ७ हजार ६ सय ८० मत प्राप्त गर्दा रास्वपाका तिमिल्सेनाले ७ हजार ६३ मत पाएका छन् । उनीहरुलाई नेकपाका उम्मेद्धवार हितबहादुर तामाङ ५२७८ ले पछ्याइ रहेका छन् ।

त्यस्तै एमालेका बद्री मैनालीले ३ हजार २ सय ५५ मत ल्याएर चौथो स्थानमा छन् ।