नुवाकोट २ मा मेरो जित निश्चित भइसक्यो : केसी

नुवाकोट । नेपाली कांग्रेस नुवाकोट क्षेत्र नम्बर २ का उम्मेद्धवार जगदीश्वरनरसिंह केसीले नुवाकोट क्षेत्र नम्बर २ मा आफ्नो जित निश्चित भइसकेको बताएका छन् ।

शनिवार नेपाली कांग्रेस विदुर नगर कार्यसमितिले आयोजना गरेको मोटरसाईकल ¥यालीपछि आयोजित एक कार्यक्रममा बोल्दै उनले सो कुरा बताएका हुन् ।

केसीले नुवकोट क्षेत्र नम्बर २ मा आफ्नो जित निश्चित भइसकेको भन्दै आफु अन्य उम्मेद्धवार भन्दा झण्डै ५ हजारदेखि ७ हजार मतले अगाडी रहेको पनि दाबी गरे ।

केसीले २१ गते निर्वाचन भएपनि परिणाम हासिल गर्ने अन्तिम अवस्थामा पुगेको बताए । उनले नुवाकोट क्षेत्र नम्बर २ मा आफ्नो प्रतिष्पर्धी कोही पनि नदेखिएको भन्दै आफु नै सर्वदलिय उम्मृद्धवार हो कि भन्ने अनुभुति समते भइरहेको बताए ।

फरक प्रसंगमा केसीले नुवाकोटमा विगतमा कांग्रेसमा देखिएको केसी र महत पक्षको विवाद समाधान भइसकेकोले पार्टी एक ढिक्का भएको बताए ।

नुवाकोटमा कांग्रेस एकढिक्का भइसक्यो, अव दुबै क्षेत्र जित्ने पक्का छ जनताले साथ दिनुहुनेछ भन्ने विश्वास लिएको छु केसीले भने ।