नुवाकाेटमा एमालेका उम्मेदवार तोकिए

नुवाकाेट । आगामी फागुन २१ गते हुने प्रतिनिधिसभा सदस्य निर्वाचनका लागि उम्मेदवार तय हुन थालेपछि नुवाकाेटमा चुनावी माहोल बढ्दै गएको छ।

दुई निर्वाचन क्षेत्र रहेको नुवाकोटमा क्षेत्र नम्बर १ मा बद्री मैनाली र क्षेत्र नम्बर २ मा केशव पाण्डे उम्मेदवार भइसकेका छन्। शनिबार बसेको एमाले केन्द्रीय सचिवालय बैठकले मैनाली र पाण्डेलाई उम्मेदवार तोकेको हो ।

एमालेले पहिलो पटक पार्टीका केन्द्रिय सदस्य समेत रहेका पाण्डेलाई प्रतिनिधिसभाको उम्मेदवार बनाएको हो ।

यस्तै नेकपा एमाले नुवाकोटका अध्यक्ष समेत रहेका मैनाली यसअघि २०७९ सालमा सम्पन्न भएको प्रतिनिधिसभाको निर्वाचनमा समेत चुनाव लडेका थिए ।

जिल्ला कमिटी र बागमती प्रदेश कमिटीले सिफारिस गरेका दुबै जनालाई केन्द्रीय सचिवालयले उम्मेदवार चयन गर्ने निर्णय गरेको हो ।