कांग्रेसको समानुपातिक सूचीमा अर्जुननरसिंहको नाम

नुवाकोट । फागुन २१ गते हुने प्रतिनिधिसभा निर्वाचनतर्फ समानुपातिकको सूची बुझाउन नेपाली कांग्रेसका नेताहरू निर्वाचन आयोग पुगेका छन् । 

कांग्रेसले समानुपातिकतर्फको नामलाई अनौपचारिकरुपमा टुंगो लगाउँदै मीन बिश्वकर्मासहितका नेताहरू बन्दसूची बोकेर आयोग पुगेका छन्। कांग्रेस नेताका अनुसार, बन्दसूचीमा नेताहरू अर्जुननरसिंह केसी, भिष्मराज आङदेम्बे, उर्मिला थपलियालगायतलाई प्राथमिकतामा राखिएको छ ।

उनका अनुसार, नयाँ र युवालाई पनि सूचीमा प्राथिमकताका साथ समेटिएको छ।  आयोगले तोकेको समयसीमाभित्र कांग्रेसले सूची बुझाउन लागेको हो। यद्यपि कांग्रेसले आगामी १९ गतेभित्र सूचीलाई सच्याएर अन्तिम रुप दिने बताएको छ ।