रेडक्रस तारुका उपशाखाको भवनलाई थप सहयोग गर्ने अधिकारीको घोषणा

नुवाकोट । तारकेश्वर गाउँपालिकाका अध्यक्ष शिव अधिकारीले नेपाल रेडक्रस सोसाइटी तारुका उपशाखाको भवनलाई थप सहयोग गर्ने बताएका छन्
।

शनिवार नेपाल रेडक्रस सोसाइटी नुवाकोट तारुका उपशाखाले आयोजना गरेको दसैं, तिहार तथा छटको शुभकामना आदान प्रदान कार्यक्रमलाई सम्बोधन गर्दै अध्यक्ष अधिकारीले गाउँपालिकाको सहयोगमा निर्माण भएको भवनको उद्घाटनको तयारी गर्न आग्रह गर्दै भवन संचालनको लागि आवश्यक पर्ने फर्निचर र साउन्ड सिस्टम सहयोग गर्ने बताए ।

रेडक्रस जिल्ला शाखालाई रगत व्यवस्थापनका लागि गाउँपालिकाले बर्सेनि सहयोग गर्दै आएको स्मरण गर्दै अध्यक्ष अधिकारीले तारकेश्वरवासी लगायतलाई आवश्यक पर्दा तत्काल रगत उपलब्ध हुने सुनिश्चित गर्न आग्रह गरे ।