नुवाकोटमा जेनजी आन्दोलनका मृतकको सम्झनामा दीप प्रज्वलन

नुवाकोट । जेन–जी पुस्ताको आन्दोलनमा मृत्यु भएकाको सम्झनामा नुवाकोटमा बुधवार साँझ दीप प्रज्वलन गरिएको छ ।

जेन–जी युवाहरुले नुवाकोट आर्दश बहुमुखी क्याम्पस गेट अगाडी, विदुर चोक लगायतका स्थानमा भेला भएर मृत्यु भएका देशभरका शहीदको सम्झनामा दीप प्रज्वलन गरेका हुन् ।

राष्ट्रिय झण्डासहित भेला भएका जेन–जीहरुले अब देशमा आफूहरुको योगदानले शान्ति र समृद्धि हुनुपर्ने कामना गरे ।

उनीहरुले अब देशमा जेन–जीको आन्दोलनले ल्याएको परिवर्तनको मर्मलाई ध्यानमा राखेर राज्यका हरेक निकायले काम गर्न पनि सुल्झाउ ।

काठमाण्डौमा गत भदौ २३ र २४ गते भएको जेन–जी आन्दोलनका क्रममा नुवाकोटका दुई जनाको मृत्यु भएको थियो ।

आन्दोलनका क्रममा नुवाकोटका झण्डै एकदर्जनभन्दा बढी घाइते भएका थिए ।

यस्तै जेनजी आन्दोलनकै क्रमममा नुवाकोटमा विभिन्न राजनीतिक दलका कार्यालय र नेताहरुको घर समेत तोडफोड गरिनुका साथै आगजनी समेत गरिएको थियो ।