नुवाकोटमा करेन्ट लागेर एक बालिकाको मृत्यु

नुवाकोट । नुवाकोटमा करेन्ट लागेर एक बालिकाको मृत्यु भएको छ ।

मृत्यु हुनेमा दाङको तुलसीपुर नगरपालिका वडा नम्बर ७ स्थाई घर भई हाल नुवाकोटको बेलकोटगढी नगरपालिका वडा नम्बर १० धमले वस्दै आएका विजयरानामगरको ४ वर्षिय छोरी आँचल शर्मा रहेकी छिन् । उनीहरु धमलेस्थित शिब अधिकारीको घरमा बस्दै आएका थिए ।

आज विहान साढे १० बजेतिर घरमा खेल्ने क्रममा मोबाईल चार्ज गर्ने बिजुलीको प्लकमा छुदा करेन्ट लागेर उनी गम्भिर घाईते भएकी थिइन् ।

गम्भीर घाइते भएकी उनको उपचारको क्रममा त्रिशुली अस्पतालमा मृत्यु भएको जिल्ला प्रहरी कार्यालय नुवाकोटले जानकारी दिएको छ ।

घटनाको सम्बन्धमा थप अनुसन्धान भइरहेको जिल्ला प्रहरी कार्यालय नुवाकोटले जनाएको छ ।