चनौटे–साहुगाउं सडक कालोपत्रे

नुवाकोट । विदुर नगरपालिका वडा नम्बर ७ तुप्चेमा सडक पुनर्निर्माण तथा कालोपत्रे गरिएको छ ।

चनौटे– चौलाने – गहते – साहुगाउ सडकखण्डमा आस्फाल्ट पिच गरिएको हो । विदुर नगरपालिकाको आर्थिक वर्ष २०८१/०८२ को समपूरक योजना अन्त्रगतको एक करोड एक लाख रकम र बागमती प्रदेश सरकारको एक करोड गरी कुला २ करोड १ लाखको बजेटमध्ये एक करोड ७४ लाख रुपैयाँको टेन्डरमा सम्झौता भए अनुसार सडक कालोपत्रे भएको विदुर नगरपालिका वडा नम्बर ७ का वडाध्यक्ष रविन्द्र नेपालले जानकारी दिए ।

सडक कालोपत्रे गरिएसँगै तुप्चेवासीलाई आवतजावत गर्न सहज भएको वडाध्यक्ष नेपालले बताए ।