त्रिशुली नदि किनारमा मृत भेटिएका व्यक्तिको पहिचान खुल्यो

नुवाकोट । नुवाकोटको बेलकोटगढी नगरपालिका वडा नम्बर ५ कोल्पुटारस्थित त्रिशुली नदिको किनारमा मृत अवस्थामा भेटिएका एक पुरुषको पहिचान खुलेको छ ।

सो शव विदुर नगरपालिका वडा नम्बर ८ माझि गाउँका ६५ वर्षका ठुला कान्छा माझिको रहेको जिल्ला प्रहरी कार्यालय नुवाकोटका सुचना अधिकारी विक्रम लामाले जानकारी दिए ।

बिहिबार विहान ११ बजेतिर स्थानियहरुले कोल्पुटारस्थित त्रिशुली नदि किनारमा मृत अवस्थामा शव फेला पारेपछि प्रहरीलाई खबर गरेका थिए ।

त्यसपछि प्रहरीले घटनास्थलको अनुसन्धान गरि शवको पोष्टमार्टमको लागि त्रिशुली अस्पताल पठाएको थियो । उनको नाम र थर नखुलेपछि प्रहरीले सनाखतको लागि सबैलाई आग्रह गरेको थियो ।

मृतक माझी दुई दिनदेखि घरको सम्पर्कमा नरहेको बुझिएको छ ।