तादी खोलामा पौडी खेल्न गएका युवक मृत अवस्थामा भेटिए

नुवाकोट । नुवाकोटको तादी खोलामा पौडी खेल्ने क्रममा एकजना बेपत्ता भएका युवक मृत अवस्थामा भेटिएका छन् ।

शुक्रवार दिउँसो साढे ४ बजे दुप्चेश्वर गाउँपालिका वडा नम्बर ६ गौडापुलस्थित तादी खोला छेउमा रहेको दहमा पौडी खेल्ने उनी बेपत्ता भएका थिए ।

उनलाई आज विहान बालकुमारी भ्याङलेस्थित तादी खोला किनारमा मृत अवस्थामा फेला पारिएको जिल्ला प्रहरी कार्यालय नुवाकोटका डिएसपी विक्रम लामाले जानकारी दिए ।

काठमाण्डौको टोखा नगरपालिका वडा नम्बर ३ वस्ने १८ वर्षिय उत्सव श्रेष्ठ पौडी खेल्ने क्रममा बेपत्ता भएका थिए ।
उनको शुक्रवारदेखि नै प्रहरी र स्थानियबासीले खोजी गरेपनि शनिवार विहान उनलाई मृत अवस्थामा फेला परेका हुन् ।

मृतक श्रेष्ठको शव पोष्टमार्टमको लागि त्रिशुली अस्पतालमा ल्याइएको छ । घटनाको सम्बन्धमा थप अनुसन्धानको भइरहेको जिल्ला प्रहरी कार्यालय नुवाकोटले जनाएको छ ।