विदुरकी कान्छी तामाङ नहरमा मृत फेला

नुवाकोट । नुवाकोटको विदुर नगरपालिका वडा नम्बर १२ खानीगाउँकी कान्छी तामाङ नहरमा मृत भेटिएकी छिन् ।

उनी विदुर १२ गौरीवेशिस्थित नहरमा मृत अवस्थामा भेटिएको जिल्ला प्रहरी कार्यालय नुवाकोटका डिएसपी विक्रम लामाले जानकारी दिए ।

शनिवार दिउँसो ३ बजेतिर छोरीको घर जान्छु भनेर हिँडेकी उनी सम्पर्कमा नआएपछि आफन्तले खोज तलास गर्ने क्रममा गौरीबेशिस्थित कफी पाल्टेक नहरको छेउमा उनले लगाएकोे चप्पल,झोला र लठ्ठि फेला परेको थियो ।

उनको कपडा, लौरो र झोला भेटिएको खबर पाउने बित्तिकैप्रहरी चौकी देविघाट र जिल्ला प्रहरी कार्यालय नुवाकोटबाट खटिएको प्रहरीले खोजी गर्दा उनको शव सोमवार दिउँसो हराएकै स्थानबाट ५ सय मिटर पर भेटिएको थियो ।

उनको शव पोष्टर्माटमको लागि त्रिशुली अस्पतालमा राखिएको छ । घटनाको विषयमा थप अनुसन्धान जारी रहेको प्रहरीले जानकारी दिएको छ ।