नुवाकोटबाट साढे ४ हजारले एसइई परीक्षा दिँदै

नुवाकोट ।  माध्यामिक शिक्षा परीक्षा (एसइई) आजदेखि सुरु हुँदैछ । परीक्षा बिहान ८ बजेदेखि सुरु हुँदैछ ।

पहिलो दिन आज अनिवार्य अंग्रेजी तथा संस्कृत वेदविद्याङमतर्फ अनिवार्य संस्कृत रचना र मदरसातर्फ अनिवार्य अरेबिक भाषा विषयको परीक्षा हुँदैछ ।

परीक्षामा नुवाकोटका चार हजार ६१३ जना विद्यार्थीहरुले परीक्षा दिदैंछन् । जसमध्ये नियमिततर्फ तीन हजार ४४२ र प्राविधिकतर्फ २२६ विद्यार्थी रहेका छन् ।

परीक्षाका लागि २१ वटा परीक्षा केन्द्र तोकिएको शिक्षा विकास तथा समन्वय इकाइ नुवाकोटका प्रमुख कुमार बस्नेतले बताए ।

परिक्षामा देशभरबाट ५ लाख १४ हजार ७१ जना विद्यार्थी परीक्षामा सहभागी हुने लागेका छन् ।

यस वर्षको एसइई आजदेखि सुरु भएर यही चैत १९ गतेसम्म सञ्चालन हुनेछ । परीक्षा बिहान ८ देखि ११ बजेसम्म सञ्चालन हुनेछ ।