मोटरसाइकल र्दुघटनामा नुवाकोटका एकजनाको मृत्यु

नुवाकोट । काठमाडौंको टोखा नगरपालिका वडा नम्बर १ मा शनिवार दुई मोटरसाइकल एक आपसमा ठोक्किँदा एक जनाको मृत्यु भएको छ ।

मृत्यु हुनेमा नुवाकोटको शिवपुरी गाउँपालिका वडा नम्बर ५ महाकालीका रिवाज आचार्य छन् । प्रहरी वृत्त महाराजगन्जका अनुसार टोखा–१ फूलबारी गेटस्थित सडक खण्डमा मोटरसाइकल एक आपसमा ठोक्किएको हो ।

आचार्यको उपचारका क्रममा धापासीस्थित ग्रान्डी अस्पतालमा मृत्यु भएको प्रहरीले जानकारी दिएको छ ।

र्दुघटनामा अर्का मोटरसाइकल चालक भोजपुर २ घर भई हाल भक्तपुर डेरा गरी बस्ने २८ वर्षीय प्रदीप तिवारी घाइते भएका छन् । उनको अस्पतालमा उपचार भइरहेको छ ।

उनको अवस्था गम्भीर रहेको प्रहरीले जनाएको छ ।