विदुर नगरपालिकामा आज शोक विदा

नुवाकोट । नुवाकोटको विदुर नगरपालिकाले आज नगरपालिका भरि शोक बिदा दिने निर्णय गरेको छ ।

विदुर नगरपालिका वडा नम्बर ९ की वडा सदस्य धनकुमारी सुनारको शनिवार विहान देविघाटमा नुहाउने क्रममा खोलाले बगाएर मृत्यु भएपछि भएपछि नगरपालिकाले आज एक दिन शोक बिदा दिने निर्णय गरेको हो ।

शनिवार विहान नुहाउने क्रममा खोलाले बगाएर वेपत्ता भएकी सुनारलाई महादेवफाँटस्थित त्रिशुली नदिमा मृत अवस्थामा फेला पारिएको थियो । सुनारको निधनले नगरपालिका परिवार स्तब्ध भएको जनाइएको छ ।

वडा सदस्य सुनारको असामयिक निधन भएकोले नगर कार्यपालिकाको कार्यालय, वडा कार्यालयहरू, स्वास्थ्य संस्थाहरूमा शोक बिदा दिने निर्णय भएको नगरपालिकाका निमित्त प्रमुख प्रशासकीय अधिकृत हरि प्याकुरेलद्धारा जारी गरिएको सुचनामा उल्लेख गरिएको छ ।

नगरपालिकाको सुचना ।