वहु विवाह मुद्दाका दोषी जिलिङका तामाङ पक्राउ

नुवाकोट । जिल्ला अदालत नु्वाकोटबाट वहु विवाह मुद्दामा फरार प्रतिवादी पक्राउ परेका छन् ।

पक्राउ पर्नेमा नुवाकोटको साविक जिलिङ गाविस वडा नम्बर १ तथा हालको बेलकोटगढी नगरपालिका वडा नम्बर ८ बस्ने सन्त बहादुर तामाङ रहेको जिल्ला प्रहरी कार्यालय नुवाकोटले जनाएको छ ।

जिल्ला प्रहरी कार्यालय नुवाकोटबाट खटिएको प्रहरीको टोलीले खोजतलास गर्ने क्रममा उनलाई सोमवार विदुर नगरपालिका वडा नम्बर २ बाट पक्राउ गरेको हो ।

पक्राउ परेका तामाङलाई आवश्यक कारवाहीको लागि जिल्ला अदालत नुवाकोटमा बुझाईएको छ ।

उनलाई अदालतले वहुविवाहको मुद्दामा एक वर्ष जेल र ५ हजार रुपैयाँ जरिमाना तोकेको थियो ।