बुधसिंघाट कृषि सहकारीको तेह्रौँ बार्षिक साधारणसभा सम्पन्न

नुवाकोट । विदुर नगरपालिका वडा नम्बर ३ बुधसिंघाटमा रहेको श्री बुधसिंघाट कृषि सहकारी संस्था लिमिटेडको १३ औं बार्षिक साधारणसभा सम्पन्न भएको छ ।

सहकारीका सभापति शरण राईको सभापतित्वमा तथा विदुर ३ का कार्यपालिका सदस्य साबित्री राईको प्रमुख आतिथ्यमा साधारणसभा सम्पन्न भएको छ ।

साधारणसभामा सहकारीको बार्षिक प्रतिबेदन प्रस्तुत गर्दै सचिव रामशरण वस्तीले आयव्यय प्रस्तुत गरेका थिए । प्रतिवेदन अनुसार सहकारीको कुल पूँजी ३९ लाख ८५ हजार ३ सय २२ रुपैयाँ पुगेको छ ।

सहकारीले नियमित बचत तथा आवश्यक सानो सानो ऋृण प्रवाह गर्दै आईरहेकोले आवश्यक ऋणलाई आम्दानी हुने क्षेत्रमा लगाउनुपर्ने अध्यक्ष शरण राईले बताए । उनले सहकारीले कृषि, तरकारी खेती, पशुपालनमा स्थानीय तह, सम्बन्धित निकाय र सरोकारवालासँग समन्वय गर्दै आत्मनिर्भर वनेर दिगो बिकासमा टेवा पुग्ने कार्यक्रम गर्ने लक्ष्य राखेको बताए ।

सहकारीको माध्यमबाट समाजमा स–सानो रकम बचत गरि भबिष्यमा आईपर्ने समस्यामा केहि मद्दत पुग्ने र समान व्यवहार गरि दिगो बिकास गर्नुपर्ने संस्थाको सदस्य उषा श्रेष्ठले बताइन् ।

बि.सं. २०६८ मा स्थापना भएको सहकारीमा महिला ३२ पुरुष ५७ गरि ८९ जना शेयर सदस्य रहेका छन् । यस्तै सहकारीको संचालक समितिको रिक्त रहेको कोषाध्यक्ष पदमा दीपक ठकुरीलाई चयन गरिएको छ ।

कार्यक्रममा वडा सदस्य ईन्द्रप्रसाद अधिकारी, बाग्मति प्रदेश बिपद व्यवस्थापन बेस क्याम्प नुवाकोट प्रमुख गौरिशंकर साह, पुर्व शिक्षक हरिप्रसाद अधिकारी, चतुरमान तामाङ तथा जेष्ठ नागरिक लगायतको उपस्थिती रहेको थियो ।