एमाले नेता खड्काद्धारा सिटौलालाई एक लाख आर्थिक सहयोग

नुवाकोट । नेकपा एमाले नुवाकोट क्षेत्र नम्बर १ का अध्यक्ष शुशिल खड्काले पन्चकन्या गाउँपालिका वडा नम्बर ५ बान्द्रेका विरवहादुर सिटौलालाई एक लाख रुपैयाँ आर्थिक सहयोग गरेका छन् ।

घरबारविहिन भएका सिटौलालाई खड्काले पन्चकन्या गाउँपालिकाको दोस्रो अधिवेशनको उद्घाटन समारोहको अवसर पारेर नेपाल एमालेका नेता गोकुल बास्टकोटा, केशव पाण्डे र नुवाकोट जिल्ला अध्यक्ष बद्री मैनालीको रोहवरमा एक लाख रुपैयाँ नगद सहयोग गरेका हुन् ।

२०७२ सालको भुकम्पपछि आएको पहिरोको कारण घरमा क्षति भएपछि घरवारविहिन भएका सिटौला अहिलेसम्म पनि टहरामै बसीरहेको र आर्थिक अवस्था पनि अत्यन्तै नराम्रो रहेकोले सिटौलालाई सहयोग स्वरुप एक लाख रुपैयाँ आर्थिक सहयोग गरेको नेकपा एमाले नुवाकोट क्षेत्र नमबर १ का अध्यक्ष खड्काले बताए ।

खड्काले आगामी दिनमा पनि गरिव, असहाय र विपन्न समुदायलाई सहयोग गरिरहने प्रतिबद्धता व्यक्त गरे ।

यस्तै लामो समयदेखि टहरामा बस्दै आएका सिटौलाले खड्काको सहयोगले आफुलाई घर बनाउन सहज हुने बताए ।

उनले खड्काले आगामी दिनमा पनि सहयोगको प्रतिवद्धता व्यत्त गरेको भन्दै खुशी व्यक्त गरे ।