वडासदस्य थापाद्धारा विद्यार्थीहलाई न्यानो कपडा वितरण

नुवाकोट । तारकेश्वर गाउँपालिका वडा नम्बर ४ का वडासदस्य रामकाजी थापाले वडा नम्बर ५ मा रहेको भुमेश्वरी आधारभुत विद्यालयमा अध्ययनरत विद्यार्थीहरुलाई शैक्षिक सामाग्री वितरण गर्नुको साथै न्यानो कपडा वितरण गरेका छन् ।

मंगलवार विद्यालयमा आयोजित एक कार्यक्रममा वडा सदस्य थापाले विद्यालयका ४५ जना विद्यार्थीहरुलाई न्यानो कपडा, शैक्षिक सामाग्री र खेलकुद सामाग्री वितरण गरेका हुन् ।

उनले लक्ष्मी फाउन्डेसनको सहयोगमा हरेक वर्ष जिल्लाको विभिन्न विद्यालय पुगेर शैक्षिक, र खेलकुद सामाग्रीहरु वितरण गर्दे आईरहेका छन् । यस्तै असहाय,गरिव र जेहेन्दार विद्यार्थीहरुलाई छात्रवृति वितरण गरिरहेका छन् ।

झण्डै एक दशकदेखि सामाजिक कार्यमा सक्रिय बनेका थापाले यसअघि कोरोना महामारी र भुकम्पको समयमा जिल्लाको विभिन्न स्थानमा पुगेर आर्थिक, शैक्षिक र खाद्यान्न सहयोग गरेका थिए ।

आगमी दिनमा पनि विद्यालयहरुको माग र आवश्यकता हेरेर सहयोग गर्ने थापाले बताएका छन् ।