बालिकालाई जबरजस्ती बेश्याबृत्तिमा लगाएका नुवाकोटका सुजन पक्राउ

नुवाकोट । बालिकालाई जबरजस्ती बेश्याबृत्तिमा लगाएको आरोपमा नुवाकोटका सुजन पक्राउ परेका छन् ।

काठमाडौँ टोखा नगरपालिका-२६ नयाँबसपार्कस्थित निमा गेष्ट हाउसका सञ्चालक नुवाकोटको तादी गाउँपालिका-६ घर भएका २९ वर्षीय सुजन तामाङलाई बिहीबार प्रहरीले पक्राउ गरेको छ ।

उनलाई मानव बेचबिखन अनुसन्धान ब्यूरोबाट खटिएको प्रहरीले काठमाडौँ टोखा नगरपालिका-९ बाट पक्राउ गरेको हो ।

प्रारम्भिक अनुसन्धानको क्रममा सुजनले उक्त गेष्ट हाउसमा बालिकालाई सरसफाइको काममा लगाइदिने भन्दै आर्थिक प्रलोभनमा पारी बेश्याबृत्तिमा लगाएको, एक महिनासम्म गेष्टहाउसबाट बाहिर समेत निस्कन नदिई बिरामी भएको समयमा समेत जबजरस्ती शारीरिक सम्पर्क राख्न बाध्य पार्ने गरेको खुल्न आएको छ ।

उनी उपर मानव बेचबिखन तथा ओसारपसार मुद्दामा जिल्ला अदालत काठमाडौंबाट ५ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।