नुवाकोटको लिखु खोलामा पुरुषको शव फेला

नुवाकोट । नुवाकोटको लिखु गाउँपालिका वडा नम्बर ५ मा रहेको लिखु खोलामा अज्ञात पुरुषको शव फेला परेको छ ।

शनिवार साँझ खोलाले बगाएर ल्याएको अवस्थामा एक पुरुषको शव भेटिएको जिल्ला प्रहरी कार्यालय नुवाकोटले जनाएको छ ।

लिखु गाँउपालिका वडा नम्बर ५ शेरा मोहनस्थित लिखु खोलाको किनारमा नाम,थर ,वतन नखुलेको पुरुषको लाश लिखु खोलाले बगाएर ल्याई किनारा लगाई राखेको अवस्थामा भेटिएको जिल्ला प्रहरी कार्यालय नुवाकोटका डिएसपी तिलक भारतीले जानकारी दिए ।

मृतको व्यक्तिको पहिचान खुल्न बाँकी रहेको प्रहरीले जनाएको छ । अज्ञात व्यक्तिको लाश फेला पारिएको सुचना प्राप्त हुने बित्तिकै प्रहरी अधिकृतको टोली घटनास्थल पुगेको थियो ।

शव पोष्टमार्टमको लागि त्रिशुली अस्पताल नुवाकोट राखिएको छ ।