लायन्स क्लब उर्जाशिल नुवाकोटद्धारा छात्रवासलाई खाद्यन्न सहयोग

नुवाकोट । लायन्स इन्टरनेशनल डिस्ट्रिक ३२५ के अन्र्तगत रहेको लायन्स क्लब अफ उर्जाशिल नुवाकोटले विदुर २ मा रहेको आमाको माया छात्रवासलाई खाद्य सामाग्री उपलब्ध गराएको छ ।

सोमवार एक कार्यक्रमको आयोजना गरि लायन्स क्लब अफ उर्जाशिलले आमाको माया छात्रवासमा झण्डै २० हजार रुपैयाँ वरावरको खाद्य सामाग्री र म्याट सहयोग गरेको हो । वितरण गरिएको खाद्य सामाग्रीमा चामाल दाल, तेल, चिउरा लगायत छन् । त्यस्तै अन्यमा सावुन म्याट रहेको लायन्स क्लब अफ उर्जाशिल नुवाकोटका अध्यक्ष कृष्ण भट्टले जानकारी दिए ।

उनले छावासमा रहेका बालकहरुको लागि सानो सहयोग गर्न पाएको भन्दै खुशी व्यक्त गरे । उनले आगामी दिनमा पनि यस प्रकारका सहयोग निरन्तर रूपमा आगाडि बढाउँदै सामाजिक उतरदायित्व पुरा गर्ने प्रतिबद्धता व्यत्त गरे ।

कार्यक्रममा लायन्स क्लब श्री माछापोखरीका अध्यक्ष सजिना सिंह कार्की, लायन्स क्लब न्यु श्री माछापोखरीका अध्यक्ष रोजिता वस्ती, आश्रमबका संचालक सोमप्रसाद पाण्डे लगायत तीनवट्टै क्लबका पदाधिकारी लागयतको उपस्थिति रहेको थियो ।

विदुर २ शिवालयमा रहेको आमाको माया छात्रवासमा अहिले २० जना बालकहरुले आश्रय लिइरहेको छात्रवासका संरक्षक पाण्डेले जानकारी दिए । उनले विभिन्न क्लब र व्यक्तिहरुको सहयोग मार्फत छात्रवास संचालन भइरहेको बताए ।